«Татар-информ»да «Һөнәр» режиссура фестивале турында сөйләшәчәкләр
28 ноябрьдә 13:00 сәгатьтә «Татар-информ» мәгълүмат агентлыгында «Һөнәр» ХVI Бөтенроссия яшь режиссура фестиваленә багышланган матбугат конференциясе була.
Чарада Татарстанның мәдәният министры урынбасары Дамир Натфуллин, Г. Кариев исемендәге Казан татар дәүләт яшь тамашачы театры директоры Илнур Гайниев, театр тәнкыйтьчесе, Татарстанның мәдәният министры киңәшчесе Нияз Игъламов, Г. Кариев исемендәге Казан татар дәүләт яшь тамашачы театры актеры Булат Гатауллин катнашачак.
«Татар-информ» сайтында матбугат конференциясеннән онлайн трансляция оештырыла. Сорауларны онлайн-видеога комментарий аркылы яисә WhatsApp мессенджеры аша 7 (927) 037-91-10 номерына юлларга мөмкин. Гаммәви мәгълүмат чарасының исемен күрсәтү сорала. Аккредитация өчен электрон почта: pr@tatar-inform.ru.