Татарстанда -13 градус салкын булачак
Пәнҗешәмбе көнне, 28 ноябрьдә, Татарстанда аязучан болытлы һава көтелә. Кар һәм салкын булуы ихтимал, дип хәбәр иттеләр ТР Гидрометеорология үзәгендә.
Кайбер районнарда синоптиклар томан, бозлавык һәм үзгәрүчән юнәлештәге җил фаразлый.
Төнлә -10дан -5 градуска кадәр, ә урыны белән температура -13 градуска кадәр төшәчәк. Көндез термометр баганалары нуль градустан югары күтәрелмәячәк. -5 тән алып 0 га кадәр фаразлана, юлларда бозлавык булуы ихтимал.