Tokaýew Putini Gazagystanda, 'kyn döwürdäki' saparynda garşy aldy
Sosial mediada ýaýradylan suratlardan görnüşine görä, Putin 27-nji noýabrda Astana döwlet sapary bilen geldi we Tokaýew bilen görüşdi.
Tokaýew Putiniň bu saparyň öňüsyrasynda döwlet eýeçiligindäki “Gazagystan Prawdasy” gazetinde çap edilen makalasyny "üns bilen okandygyny" we özüniň Moskwa bilen Astananyň arasyndaky gatnaşyklaryň ýagdaýy barada ýazan makalasynyň rus metbugatynda çap edilendigini aýtdy.
Tokaýewiň metbugat gullugynyň gazak prezidentiniň aýdan sözlerine salgylanyp ýazmagyna görä, ol öz makalasynda Gazagystanyň "häzirki kyn döwürde Russiýanyň ygtybarly strategiki hyzmatdaşy we ýarany bolmagynda galýandygyny nygtady".