Путин: Россиядә НАТО илләре барысы бергә җитештергәннән ун тапкыр күбрәк ракета эшләнә
Россия НАТОга керүче барлык илләр бөтенесе бергә җитештергәнгә караганда ун тапкыр күбрәк ракета эшләп чыгара. РФ Президенты Владимир Путин Астанада узучы Күмәк иминлек турында килешү оешмасы саммитында шулай дип белдерде.
«Тиешле ракета системалары, тиешле техника эшләп чыгаруга килгәндә, Россиядә ул НАТО илләре бөтенесе бергә җитештергәнгә караганда ун тапкыр күбрәк», - диде Россия лидеры.
Моннан тыш, Россия киләсе елдан мондый снарядлар эшләп чыгаруны тагын 25-30 процентка арттырырга ниятли, дип өстәде дәүләт башлыгы.