Галим Илнур Миргалиев консультант буларак Казахстанда тарихи спектакль чыгаруда катнашкан
Абай исемендәге Казах милли академия опера һәм балет театрының яңа спектаклен әзерләү барышында татар галиме консультант буларак катнашкан.
«Бүген Абай исемендәге Казах милли академия опера һәм балет театрының«Хан Султан. Алтын Орда» спектакленең премьерасы. Мин коллегаларым Нурлан Атыгаев һәм Ильяс Кемалоглу белән бергә консультантлар булдык. Без хөрмәтле Айнур Копбасарова һәм аның командасы белән уңышлы эшләдек дип уйлыйм», дип яза үз аккаунтында Тарих фәннәре кандидаты Илнур Миргалиев.
- Тарихи драманың композиторы – Хәмит Шәңгәлиев. Куючы режиссер - Давид Ливермор.
- Опера казах телендә бара.