طالبانو له ترکیې څخه افغانستان ته د افغان سوداګرو د بېرته ستنېدو غوښتنه کړې
ملي راډیو تلوېزیون چې د طالبانو په کنټرول کې دی، پرون راپور ورکړی چې نورالدین عزیزي دا غوښتنه ترکیې ته د خپل سفر پر مهال په دغه هېواد کې له مېشتو افغان سوداګرو سره د کتنې پر مهال مطرح کړې ده.
که څه هم په خبر کې ویل شوي چې په ترکیه کې مېشتو افغان سوداګرو ویلي چې افغانستان د ستنېدو پلان لري، خو نور تفصیل نه دی ورکړل شوی.
څه باندې درې کاله مخکې پر افغانستان د طالبانو د ولکې له بیا ټینګولو وروسته ګڼو سوداګرو او
پانګوالو خپلې پانګې له افغانستانه وایستلې.
دوی وایي چې د افغانستان بانکي نظام لا هم محدودیتونه لري او دوی په خلاص مټ سوداګري نه شي کولی.