Арчада IX районара Мөхәммәт Мәһдиев укулары үткәрелде

Арча районының Г.Камал исемендәге Сикертән мәктәбендә Татарстанның халык язучысы Мөхәммәт Мәһдиевнең 95 еллык юбилеена багышланган IX районара Мәһдиев укулары булып узды. Бу хакта ТР Язучылар берлеге матбугат хезмәте хәбәр итә.

Чарада Мөхәммәт Мәһдиевнең кызы Гәүһәр Хәсәнова, Татарстан Язучылар берлеге рәисе урынбасары, М.Мәһдиевнең студенты – Илсөяр Иксанова, «Кеше китә – җыры кала» телесериалының сценарий авторы, режиссёры Александр Далматов катнашты.

Килгән кунаклар укучыларның һәм укытучыларның иҗади сәләтләрен, тырышлыкларын, эзләнүчәнлекләрен югары бәяләде, җиңүчеләргә дипломнар һәм истәлекле бүләкләр тапшырды.

IX Районара Мөхәммәт Мәһдиев укуларына Арча, Теләче, Биектау, Әтнә муниципаль районнары һәм Казан шәһәре укучылары һәм укытучылары актив катнашты.