Ақмола облысында өрттен екі бала қаза болды
"Бұланды ауданы Шұбарағаш ауылындағы жеке үйдің үш шаршы метр аумағында өрт болған. Жану өнімдерінен 2017 және 2021 жылғы екі бала уланып өлген. Төтенше жағдай департаментінің шұғыл желісіне қоңырау түспеді. Өртті куәгерлер сөндірген" деп жазылған хабарламада.
Ақпаратқа қарағанда, өрттің себебін анықтау үшін зерттеу тағайындалған.
"Өрт қауіпсіздігі талаптарын бұзу" бабы бойынша сотқа дейінгі тергеу тағайындалған.
Қазақстанда балалардың өрттен қаза болғаны жайлы ақпарат жиі шығып жатыр. 17 қараша таңертең Астанадағы жеке үйлердің бірінде өрт шығып, 13, 9, 3, 2 жастағы төрт бала көз жұмды. Өрт кезінде үйдің шатыры жартылай құлаған. Астана қаласының төтенше жағдайлар департаменті өрт бойынша қылмыстық іс қозғалғанын хабарлаған.