د جرمني صدراعظم نن په يو ناڅاپي سفر د اوکراين پلازمېنې کييف ته ولاړ
شولڅ په کییف کې ژمنه وکړه چې، هېواد به یې د اوکراین پوځ ته په روانه میاشت کې د ۶۵۰ میلیون یورو په بیه اضافي وسلې برابرې کړي.
هغه پر خپله ایکسپاڼه لیکلي چې، جرمني به لاهم په اروپا کې د اوکراین تر ټولو لوی ملاتړ کوونکی هېواد وي.
د جرمني صدراعظم په اورګاډي کې کییف ته ورسېد او له ولسمشر ولودیمیرزیلینسکي سره یې وکتل.
شولڅ او زیلینسکي له کتنې وروسته په ګډه د اوکراین د ټپي سرتېرو لیدلو ته ورغلل.