Добавить новость
ru24.net
World News
Декабрь
2024

د امريکا سنا جرګې له افغانستانه د وروستي وتلي امريکايي پوځي د سترجنرالۍ ارتقا ومنله

0
د امریکا سنا جرګې د هغه جنرال ارتقا ومنله چې، د وروستي امریکايي پوځي په توګه د افغانستان له خاورې ووت او په‌‌دې ترتیب یې شل‌کلن پوځي حضور پای ته ورساوه.


سترجنرالۍ ته د ډګرجنرال کریستوفر دوناهو ارتقا د څه وخت لپاره د جمهوري پاله سناتور مارکوین مالین له‌خوا ځنډول شوې وه.


سنا جرګې د دوشنبې په ورځ د جنرال دوناهو نوې رتبه تایید کړه.


جنرال دوناهو د ۸۲هوايي قطعې قومندان دی او له‌‌دې وروسته ممکن په اروپا یا افریقا کې د امریکايي پوځیانو قومانده ورکړل شي.


یوشمېر جمهوري پاله سناتوران د ۲۰۲۱ کال د اګست په وروستیو کې له افغانستانه د وتلو د ګډوډۍ پړه پر امریکایي جنرالانو او قومندانانو اچوي.


منتخب جمهور رییس ډونالډټرمپ چې له افغانستانه د وتلو په بڼه د ولسمشر جوبایډن پر ادارې کلکې نیوکې کړي، په خپلو ویناو کې ګواښ کړی چې له افغانستانه د وتلو د ګډوډې پروسې ټول ښکېل پوځي قومندانان او مسوولین به له دندو ګوښه کړي.


له افغانستانه د امریکا د وتلو په پروسه نیوکې تر هغه وروسته زیاتې شوې چې، د اګست په ۲۶مه د کابل هوایي ډګر ته څېرمه په یوه خونړي برید کې لږترلږه ۱۳ امریکايي پوځیان ووژل شول او ۴۵ نور ټپیان شول.


په هغه برید کې تر ۱۷۰ زیات افغان ملکیان هم وژل شوي وو او سلګونه نور ټپیان وو.


جمهوري پاله منتقدین وايي، پوځي قومندانانو کولای شوای د هغه برید مخه ونیسي خو خپل مسوولیتونه یې سم ادا نه‌کړل او ناغیړې یې وکړه.



Moscow.media
Частные объявления сегодня





Rss.plus




Спорт в России и мире

Новости спорта


Новости тенниса
WTA

Анна Калинская отказалась от участия в WTA 500 в Мексике: её заменит Векич






Айшат пропала: что стало с женщиной, которая "встала на колени перед главным врачом"

Роман Губанов: "Сегодня работодателям необходим обмен практиками, в том числе с конкурентами"

GEOX представляет женскую коллекцию обуви сезона весна-лето 2025

Главой Союза писателей России избрали Мединского