Խե՜ղճ կին։ Սպիտակ տան խոսնակ Կարին Ժան-Պիեռը միայն վերջին ամիսների ընթացքում վեց անգամ կտրականապես հերքել է, որ Ջո Բայդենը մինչև հեռանալը կարող է ներում շնորհել որդուն՝ Հանթերին, որը մեղավոր է ճանաչվել ապօրինի զենք ձեռք բերելու և հարկերը թաքցնելու մեջ։ Խոսնակն այնքան կրկնեց, թե ներումը պարզապես անհնար է, և նախագահը երբեք չի դիմի նման քայլին, որ ի վերջո Ջո Բայդենը ներում շնորհեց տղային։ Համաձայնե՛ք, մի առանձին բան չի պատահել, հայաստանցիներից ոմանք էլ այնքան կրկնեցին, որ Աղդամն իրենց հայրենիքն է, իսկ Արցախը մերն է, ու վերջ՝ մինչև Ղարաբաղը դատարկվեց հայերից։ Ինչպես ասում են՝ քաղաքականությունն ու սուտը երկվորյակ եղբայրներ են։
