Көньяк Корея саклану министры гражданнар алдында гафу үтенде һәм отставкага китте
Көньяк Корея саклану министры Ким Ён Хён хәрби хәл кертү белән бәйле вазгыять фонында үз вәкаләтләрен өстеннән төшерергә әзер икәнен белдерде. Бу хакта РИА Новости Рёнхап агентлыгына сылтама белән хәбәр итә.
«Министр Ким Ён Хён гражданнар алдында гафу үтенде һәм Президентка отставкага китәчәге хакында әйтте», - диелә хәбәрдә.
Кичә Президент Юн Сок Ёль «гадәттән тыш хәрби хәл» кертелү турында игълан итте. Ул импичмент янаулары хакимиятнең тотрыклылыгы өчен куркыныч тудыруын әйтте. Парламент әлеге карарны гамәлдән чыгаруны яклап тавыш бирде. Утырышта 300 депутатның 190ы катнашты, алар карарны бертавыштан кабул итте.
Көньяк Корея Конституциясе нигезендә, Президент үз карарын парламент аны күпчелек тавыш белән кире каккан очракта кичекмәстән гамәлдән чыгарырга тиеш. Әмма Юн Сок Ёль берничә сәгать үткәч кенә шундый белдерү ясады, ул моны утырышта тиешле депутатларның булмавы белән аңлатты. Ахыр чиктә, Хөкүмәт хәрби хәлнең гамәлдә булуын туктату турында рәсми карар кабул итте.