Türkmenistan bilen Özbegistanyň söwda dolanyşygy $947,7 milliondan geçdi

Şu ýylyň ýanwar-oktýabr aýlarynda Türkmenistan bilen Özbegistanyň arasyndaky söwda dolanyşygynyň möçberi 947,7 million ABŞ dollaryna deň boldy diýip, “Biznes Türkmenistan” Özbegistanyň resmi maglumatyna salgylanyp habar berdi.


Bu döwürde Özbegistan Türkmenistandan umumy bahasy 848,5 million ABŞ dollaryna barabar önümi import edip.


Özbegistanyň goňşy ýurda eden eksporty bolsa, statistika baradaky döwlet komitetiniň maglumatyna görä, 99,2 million ABŞ dollaryna barabar bolupdyr.


Özbegistanyň umumy daşary söwda dolanyşygy on aýda 54,4 milliard ABŞ dollaryna deň bolup, 2023-nji ýylyň degişli döwri bilen deňeşdirilende 3,4 milliard ABŞ dollary möçberinde ýa-da 6,7% ýokarlandy diýip, habarda bellenýär.


Türkmenistan bu hili görkezijileri kän aýan etmeýär.