ენტონი ბლინკენი: უკრაინა ნატოსკენ მიმავალ შეუქცევად გზაზეა

აშშ-ის სახელმწიფო მდივანმა ენტონი ბლინკენმა ბრიუსელში, ნატოს შეხვედრაზე პირობა დადო, რომ უკრაინა ნატოსკენ მიმავალ შეუქცევად გზაზე იმყოფება: „ამ საკითხს პრაქტიკულად ვუდგებით. ჩვენ შევქმენით ნატოს სპეციალური სამეთაურო, რომლის მიზანია ამ გზაზე უკრაინის მოძრაობის დაჩქარება. ჩვენი მსჯელობების ერთ-ერთი თემა იყო ამ სამეთაუროს უზრუნველყოფა ყველა საჭირო რესურსით, მათ შორის პერსონალით. ახლა ქვეყნებმა იკისრეს პასუხისმგებლობა, რომ სამეთაურო სრულად ფუნქციური გახადონ. ამ პრაქტიკულ ნაბიჯებს, რეფორმებთან ერთად, რომლებსაც უკრაინა ატარებს, ის ალიანსის წევრობისკენ მიჰყავს,“ თქვა ბლინკენმა.


სახელმწიფო მდივნის სიტყვებით, უკრაინა „იმყოფება მკაფიო ტრაექტორიაზე, რომლის დადგენაშიც მას ჩვენ მოვეხმარეთ და ვაპირებთ, ბოლომდე გავუწიოთ მას დახმარება მიმდინარე წლის ბოლომდე და გაისად. ეს უკრაინას დაეხმარება, ძლიერ პოზიციაში იმყოფებოდეს თავისი მომავლის შესახებ გადაწყვეტილებების მისაღებად. თუ რუსეთი განაგრძობს აგრესიას, უკრაინა შეძლებს ამასთან გამკლავებას. ხოლო თუ რუსეთი მართლაც იქნება მზად, კეთილსინდისიერად აწარმოოს მოლაპარაკებები, უკრაინა ამის გაკეთებას უფრო ძლიერი პოზიციიდან შეძლებს,“ თქვა ბლინკენმა BBC-სთან საუბარში.


უკრაინის საგარეო საქმეთა მინისტრმა ანდრი სიბიჰამ, რომელიც ასევე იმყოფება ბრიუსელში, თქვა, რომ უკრაინა რუსეთთან ომის დროს არ ახდენს ნატოში გაწევრიანების ფორსირებას, მაგრამ დასძინა, რომ ალიანსში შესვლა უკრაინის სტრატეგიული მიზანია.