انالینا بایربوک: د طبي زدهکړو مؤسسو په بندېدو سره د افغانستان راتلونکی لهمنځه ځي
انالینا بایربوک په خپله ایکسپاڼه کې پرون ولیکل چې، هسې هم په افغانستان کې د ښځو لپاره ژوند داسې و لکه په زندان کې چې شپې ورځې تېروي.
طالبانو د دوشنبې په ورځ د دوی د مشر ملاهبتالله اخندزاده د یوه شفاهي امر لهمخې په ټول افغانستان کې د نجونو او مېرمنو پرمخ د طبي زدهکړو مؤسسې وتړلې.
د نجونو په مخه د طبي زدهکړو د مؤسسو تړل کېدو، پر کور دننه او بهر په پراخه کچه غبرګونونه وپارول، خو تر اوسه طالب چارواکو پهدې اړه په رسمي ډول څه نهدي ويلي.