Түбән Кама педагогика көллиятенә Нәкый Әхмәтшин исеме бирелде
Түбән Кама педагогика көллиятенә Нәкый Әхмәтшин исеме бирелде. Бу карарны Татарстан Премьер-министры Алексей Песошин имзалады.
РСФСР мәктәбенең атказанган укытучысы, шәһәрнең Мактаулы гражданы озак вакытлар Түбән Кама районының мәгариф системасын җитәкли. Ул мәктәпләрнең, мәктәптән тыш һәм мәктәпкәчә учреждениеләрнең укыту-матди базасын ныгытуга зур игътибар бирә.
Әхмәтшин ярдәме белән районда мәгарифкә мәктәпара укыту-җитештерү комбинаты системасын кертү мөмкин булды. Шулай ук аның инициативасы белән укытуның кабинет системасына күчү гамәлгә ашырыла, Россиядә беренче Халык мәгарифе музее булдырылган.
Танылган педагог 2017 елның декабрендә вафат була. Аңа 89 яшь иде.