Лишен од слобода кумановец кој опожари автомoбили и деловен објект во Куманово
„Ф.А. бил приведен и задржан во Полициска станица Куманово и по целосно документирање на случајот против него ќе следува соодветна пријава“, соопштија од МВР.
Како што јавија медиумите, вечерта на (1 декември)во Куманово се случиле неколку пожари. За еден од нив, прв на фејсбук информираше членот на Советот на Општина Куманово, Фитор Јакупи кој напиша дека му изгорела неговата приватна канцеларија.
Еден од запалените автомобили беше на јавниот обвинител Џелал Бајрами. За палењето на автомобилот тој се огласи јавно со очекување дека сторителите ќе бидат бргу пронајдени.
Од ДУИ реагираа дека пожарите биле подметнати.