Песков: Путин белән туры элемтәгә 300 меңгә якын мөрәҗәгать килгән
Россия Президенты Владимир Путин белән туры элемтәгә 300 мең чамасы мөрәҗәгать килгән. Бу хакта дәүләт башлыгының матбугат сәркатибе Дмитрий Песков хәбәр итте.
«Кызыксыну (туры элемтәгә) зур», – дигән Песков журналистларга.
Ул ир-атларга караганда хатын-кызлар ешрак мөрәҗәгать калдыра, дип өстәгән.
Быел Путин белән туры элемтә 19 декабрьдә була. Ул дәүләт башлыгының Зур матбугат конференциясе белән берләштерелгән форматта уза. Россиядә Президент белән туры элемтә беренче мәртәбә 2001 елның декабрендә булды.