Лукашенко Белоруссиядә атом-төш коралы булуын әйтте
Белоруссиядә атом-төш коралы бар. Бу хакта ил Президенты Александр Лукашенко әйтте.
«Мин монда атом-төш боеголовкалары керттем. Бер дистә генә дә түгел. Күпләр: «Ә, бу шаяру бит, беркем бернәрсә дә кертмәде», дип яза. Керттек. Ә алар (оппонентлар) шаяру дип әйтә икән, димәк авызларын ачып калганнар. Аларны монда ничек алып керүебезне дә күрми калганнар», – дигән Лукашенко.
БЕЛТА агентлыгы язганча, шулай ук Белоруссия лидеры республикага каршы агрессия ихтималы турында да кисәткән.
«Мин бөтен дошманнарны, «дусларны» һәм көндәшләрне кисәттем: әгәр дәүләт чиге линиясенә аяк басасыз икән, җавап шул ук мизгелдә булачак», – дип өстәгән Лукашенко.