Россиядәге бер төбәктә беренче бала өчен 3 млн сум түләячәкләр
Ямал-Ненец автоном округында яшәүче 30 яшькә кадәрге хатын-кызлар киләсе елдан беренче балаларын тапкач 3 млн сум алачак. Тиешле үзгәрешләр «Яшь гаилә» торак программасына кертелә. Бу хакта туры линиядә төбәк башлыгы Дмитрий Артюхов хәбәр итте.
«30 яшькә кадәр беренче баланы тапканда «Яшь гаилә» буенча 3 млн сум түләү булачак. Бу бик мөһим ярдәм чарасы», – диде ЯНАО лидеры.
Моннан тыш, 36 яшькә кадәрге хатын-кызлар ничәнче баласын тапса да 1 млн сум алачак.
Әлеге ярдәм программасында катнашу өчен гаилә даими рәвештә ЯНАОда яшәргә һәм мохтаҗ гаиләләр категориясенә карарга тиеш.