Шерзат Болаттың ағасының өліміне қатысты алдын ала мәлімет жарияланды
Полиция Шерзат Болаттың ағасының өлімінен кейін сот-медициналық сараптаманың алдын ала қорытындысын жариялады, - деп хабарлайды Tengrinews.kz тілшісі.
Сараптаманың алдын ала болжамы бойынша 9 желтоқсанда Талғардың шетінде табылған 30 жастағы ер адамның мәйіті өзін-өзі асу арқылы механикалық асфиксия нәтижесінде болғанын көрсетті. Денесінде зорлық-зомбылық сипаттағы белгілер жоқ.
"Сарапшылармен анықталған дене жарақаттары, мысалы, странгуляциялық және мойынның абразиялары асылған жіпті қолданған кезінде пайда болатын жарақаттарға сәйкес келетінін көрсетті. Барлық белгі суицидті көрсетеді, мойнындағы зақымдану сипаты мұндай жағдайларға тән. Мастоидтық процестің және желке мен құлақ аймағындағы абразияға ұқсас іздер үйкеліс пен пайда болуы мүмкін", - делінген хабарламада.
Қазіргі уақытта құқық қорғау органдары болған оқиғаның барлық мән-жайларын тексеруді жалғастырып жатыр.
"Азаматтардан тек ресми дереккөздерге сенуді сұраймыз және жалған мәліметтерді тарату бойынша қылмыстық жауапкершілік көзделгенін еске саламыз", - делінген полиция таратқан мәлімдемеде.
Еске салайық, 9 желтоқсанда таңертең Шерзат Болаттың ағасы өлі табылған еді. Ақпаратты Алматы облыстық полиция департаменті растады. Полиция мәліметінше, марқұм өзіне-өзі қол жұмсаған.
Марқұм қайтыс болар алдында хат жазып кеткен. Хат мәтінін полиция жариялады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!