Фәрит Мөхәммәтшинның фәнни мәкаләләре басылып чыкты

Татарстан Республикасы Дәүләт Советы Рәисе Фәрит Мөхәммәтшинның сайтында парламент җитәкчесенең «Гражданин. Выборы. Власть» (Мәскәү шәһәре) һәм «Законодательные исследования» (Уфа шәһәре) фәнни-аналитик журналларында чыккан фәнни-аналитик язмалары урнаштырылган. Бу турыда Татарстан Дәүләт Советы матбугат хезмәте хәбәр итте.

Россия Югары аттестация комиссиясенең рецензияләнә торган фәнни басмалары исемлегенә кертелгән «Гражданин. Выборы. Власть» журналының 4 санында ТР Дәүләт Советы Рәисе, сәяси фәннәр докторы, Татарстан Республикасы Фәннәр Академиясенең хакыйкый әгъзасы (академик) Ф.Х. Мөхәммәтшинның « Парламентара хезмәттәшлек үзенчәлекләре һәм перспективалары » (Татарстан Республикасы парламенты эшчәнлеге мисалында) дигән фәнни мәкаләсе басылып чыккан.

Мәкаләдә Россия Федерациясе субъектларының парламентара эшчәнлеген торгызуның тарихи һәм хәзерге нигезләре анализлана. Тарихи-сәяси һәм аналитик анализ кысаларында Татарстан Республикасы Дәүләт Советы – парламентының эчке һәм тышкы парламентара эшчәнлегенең тарихи тәҗрибәсе һәм эмпирик практикасы ачыла.

Мәкалә тексты белән түбәндәге сылтама буенча танышырга була: Мухаметшин Ф.Х., Гильмуллин А.Р., Хисамеева Д.Р. Особенности и перспективы межпарламентского сотрудничества // Гражданин. Выборы. Власть. 2024. № 4 (34). С. 40–50.

Ф.Х. Мөхәммәтшинның «Федераль һәм төбәк законнарын камилләштерү факторы буларак парламентара диалог» (ИФО закон чыгаручылар ассоциациясе эшчәнлеге мисалында) дигән икенче фәнни эше белән «Законодательные исследования» фәнни басмасында танышырга мөмкин.