د افغانستان او زیمبابوې شل اووره لوبې مساوي شوې
افغان لوبډلې لومړی بېټینګ غوره کړ او په شلو اوورونو کې یې د شپږو لوبغاړو په زیان، سیالې لوبډلې ته د ۱۵۴ منډو هدف وټاکه. خو د زیمبابوې ملي لوبډلې په اتلسم اوور کې خپل ټول لوبغاړي له لاسه ورکړل په داسې حال کې چې یوازې ۱۰۳ منډې یې کړې وې.
په افغان بالرانو کې نوین الحق او راشد خان درې- درې او مجیب الرحمان دوه ویکتې واخیستې.
د افغانستان او زیمبابوې دریمه او وروستۍ شل اووریزه لوبه به نن د کابل په وخت د مازیګر په څلورو بجو وي. کوربه زیمبابوې په دې لړۍ کې له افغانستان سره درې یوورځنۍ او دوه ټسټ لوبې هم په پام کې لري.