Зәйдә үзәк чыршы утларын кабыздылар
Зәйдә Ринат Фәрдиев исемендәге ял паркында чыршы ачылу тантанасы узды. Үзәк чыршыны ачу тантанасын «Энергетик» мәдәният сараеның сәнгать осталары, иҗат коллективлары әкияти тамашалар, аерым чыгышлар белән дә ямьләндерде. Бу хакта «Зәй яңалыклары» сайтында хәбәр ителә.
Зәйлеләрне, шәһәребез кунакларын якынлашып килүче 2025 ел белән район башлыгы Разиф Кәримов тәбрикләде. Ул үтеп баручы елдагы күркәм күмәк эшләргә нәтиҗә ясады. Киләсе елның илләребезгә тынычлык, аяз күк йөзе алып килүен теләде.