Татарстанда буран һәм бозлавык булуы көтелә
Дүшәмбе, 16 декабрьдә, Татарстанда болытлы һава торышы, кар һәм җепшек кар көтелә. Урыны белән явым-төшем көчәя, дип хәбәр иттеләр ТР Гидрометеорология һәм әйләнә-тирә мохитне күзәтү идарәсендә.
Көньяк-көнбатыштан секундына 15-18 метр тизлектә җил исә. Төнлә һава температурасы -10..-5 градус тәшкил итте, көнчыгышта -15 градуска кадәр төште. Иртән -8..-3 градус, көндез -5..0 градус тәшкил итәчәк.
Синоптиклар юлларда бозлавык, кар көртләре барлыкка килү ихтималы хакында кисәтә.