Қазақстанның бұрынғы президенті Нұрсұлтан Назарбаевтың күйеубаласы Тимур Құлыбаев – «ескі Қазақстаннан» қалған аз ғана өкілдің бірі. Forbes нұсқасы бойынша, оның байлығы 5 млрд долларға жеткен, яғни 2022 жылдан бері 1,2 млрд долларға артқан. Қазір Құлыбаев активтерді қайтару комитетімен соттасып, екінші жағынан Қазақстан, Ұлыбритания, Ресей, Испания және басқа да елдерде орналасқан жылжымайтын мүлкінің бір бөлігін сатып жатыр. Орталық Азиядағы ең бай адамдардың бірі саналатын Құлыбаевтың жағдайын саралап көрелік.
