بازدید وزیر خارجه ترکمنستان از پروژه تاپی

وزارت خارجهٔ ترکمنستان می‌گوید که رشید میریدوف، وزیر خارجهٔ این کشور حین دیدار از افغانستان، به شمول پروژهٔ تاپی کارهای پروژهٔ‌های را که هردو کشور به گونهٔ مشترک پیش می‌برند از نزدیک بررسی کرد.


به اساس گزارش خبرگزاری اینترفاکس، وزارت خارجهٔ ترکمنستان دوشنبه در یک اعلامیه گفت که آقای میریدوف، همراه با امیرخان متقی، سرپرست وزارت خارجهٔ حکومت طالبان یک‌جا روز یک‌شنبه در خاک افغانستان در نزدیک مرز مشترک گسترش خط لولهٔ گاز و فایبر نوری و امورات ساخت یک گدام در امتداد خط آهن تورغندی را از نزدیک بررسی کرد.


به گفتهٔ وزارت خارجه کارهای عملی این پروژه‌ها در ۱۱م ماه سپتمبر سال روان طی مراسمی که قربانقلی بیردی محمدوف، رئیس جمهور ترکمنستان و مقام‌های بلند پایهٔ طالبان در آن شرکت کرده بودند آغاز شد.


هزینهٔ پروژهٔ تاپی که نزدیک به هفت و نیم میلیارد دالر تخمین شده است، نزدیک‌ به ۱۸۰۰ کیلومتر خط لوله‌ای، ۷۳۶ کیلومتر آن از ولایت‌های هرات، هلمند و کندهار عبور می‌کند.


افغانستان امیدوار است که با تکمیل این پروژه سالانه ۴۰۰میلیون دالر عواید به دست آورده و به هزاران نفر زمینهٔ کار فراهم شود.