Саба районы юл хәрәкәте иминлеген тәэмин итү буенча иң яхшы район булды
Татарстан Рәисе Рөстәм Миңнеханов «Мин – мәктәп укучысы» сервисы мобиль кушымтасында юл хәрәкәте иминлеге буенча республика конкурсында җиңүчеләрне бүләкләде. Саба районы Түбән Шытсу мәктәбеннән Айзилә Гомәрова V-VIII сыйныфлар арасында 1нче урынны яулады һәм аңа Samsung смартфоны бирелде. Бу хакта https://saby-rt.ru/ сайтында Фәнил Мәүлетов яза.
Бүләкләрне тапшыру тантанасы ТатарстанМинистрлар Кабинетының һәм ТР буенча Эчке эшләр министрлыгы коллегиясенең уртак утырышы кысаларында узды. Конкурста 29 меңнән күбрәк укучы катнашкан. Конкурста 1-3 урыннарны яулаган җиңүчеләргә дипломнар, кыйммәтле бүләкләр тапшырылды.
Шулай ук юл хәрәкәте иминлеген тәэмин итү буенча иң яхшы муниципаль комиссияләрне бүләкләделәр. 2024 елдагы эш нәтиҗәләре буенча Татарстан Республикасы Хөкүмәт комиссиясе Кукмара һәм Саба муниципаль районнарын иң яхшылар дип таныды.