Daşary ýurtly ýyldyzlar Aşgabatda Täze ýyl konsertlerini berer

23–28-nji dekabr aralygynda Aşgabatdaky Gyşky oýunlar sport toplumynda daşary ýurtly aýdymçylaryň Täze ýyl konsertleri guralar diýip, “Biznes Türkmenistan” neşiri habar berýär.


Konsertler 23-nji dekabrda, eýranly bagşy Emin Raseniň aýdymlary bilen başlanyp, 24-nji dekabrda özbek artisti Osman Nowruzowyň, 25-nji dekabrda türkiýeli aýdymçy Murat Bozuň çykyşlary bilen dowam etdiriler.


Tunisli aýdymçy Amani Swissi 26-njy dekabrda, russiýaly aýdymçy Arsen Şahuns bolsa 27-nji dekabrda konsert berer.


Konsertler toplumy 28-nji dekabrda türk aýdymçysy Gülşen Baýraktaryň konserti bilen jemlener.


Petekleriň (biletleriň) bahalary, oturylýan ýer bölümlerine laýyklykda, 100–150 manat aralygynda bolar diýip, habarda aýdylýar.