Махсус операция башланганнан алып Дума хәрбиләргә ярдәм итү буенча 124 закон кабул иткән
Дәүләт Думасы махсус хәрби операция башланганнан алып анда катнашучыларга һәм аларның гаиләләренә ярдәм күрсәтүгә юнәлдерелгән 124 законны хуплаган. Шулар арасында 12 закон проекты 2024 елның көзге сессиясе барышында расланган, дип искәртте Дәүләт Думасы Рәисе Вячеслав Володин. Бу хакта ТАСС агентлыгы хәбәр итә.
«Элеккеге кебек үк, депутатлар өчен һичшиксез өстенлек - махсус хәрби операциядә катнашучылар һәм аларның гаиләләренә ярдәм күрсәтү», - диде ул.
Володин билгеләп үткәнчә, махсус хәрби операция башланганнан алып әлеге өлкәдә барлыгы 124 закон кабул ителгән, аларның 33е - агымдагы ел дәвамында, 12се көзге сессия кысаларында хупланган.