جرمني کې برید؛ تر دوو سوو زیات ټپیان او پنځه وژل شوي
د جرمني په ماګدی بورګ کې د کرسمس پر بازار د یو کس د موټر د برابرول په پېښه کې پنځه کسان وژل شوي او ۲۰۰ نور ټپیان دي.
د جرمني بیلت ورځپانې نن شنبې دا تازه شمیرې خپرې کړي دي.
پولیسو هم د څلور کسانو وژل تایید کړي دي.
د چارواکو په خبره، تیره شپه یو جرمن داکټر چې په خټه عرب دی او دوه لسیزې وړاندې جرمني ته راغلی و، یو کرايي موټر يې د کرسمس پر بازار وربرابر کړی چې ډيرو خلکو ته يې مرګژوبله واړوله.
تراوسه د دې کار اصلي علت معلوم نه دی.
د جرمني حکومت د دې ورځ په مناسبت نن شنبې په ټول هیواد کې ملي ماتم اعلان کړی دی.
د جرمني صداعظم اولاف شولز او د دې هیواد د کورنیو چارو وزیر د پېښې ځای ته تللي دي.