Теләче районы Казаклар авылы хәрбие балалар бакчасына уенчыклар бүләк иткән
Махсус хәрби операция зонасында хезмәт итүче Теләче районы Казаклар авылы егете Азат Гыйльметдинов Олы Кибәхуҗада урнашкан «Шатлык» балалар бакчасына уенчыклар бүләк иткән. Бу хакта «Теләче-информ» хәбәр итә.
«Бүгенге көндә Азат яраланып, Мәскәү госпиталендә дәвалана. Яраланганчы ук бу хыялын әниләренә әйткән булган, ә Азатның әти-әнисе, сеңлесе Гөлшат Азатның теләген үтәде. Балалар уенчыкларны бик яраттылар. Балаларның самими, ихлас елмаюлары, сөенечләре Азатка тизрәк савыгырга ярдәм итсен. Ә без бакча коллективы, әти-әниләр, балалар Азатка, аның әти- әниләренә бик зур рәхмәт әйтәбез. Исән- сау савыгып Азатның безнең арага кайтуын теләп калабыз!» – дип хәбәр иттеләр әлеге балалар бакчасыннан.