Россияда сумка ичидан ўзбекистонлик аёл жасади топилди
0
Россиянинг Санкт-Петербург шаҳри Невский туманида сумка ичидан ўзбекистонлик аёлнинг жасади топилди. Бу ҳақда 78.ru хабар берди.
Маълум қилинишича, жасад Ольга Бергголц кўчасидаги 19-уйнинг ертўласидаги сумкадан зўравонлик аломатлари билан топилган. Ўлдирилган шахс 31 ёшли Ўзбекистон фуқароси экани аниқланган. У ноябрь ойи бошида Санкт-Петербургга 24 ёшли танишиникига пул топиш мақсадида келган.
Таъкидланишича, 9 декабрь куни кечқурун Седов кўчасидаги 70-уйда жойлашган квартирада яшаётган йигит жанжал пайтида аёлни бўғиб ўлдирган. Шундан кейин унинг жасадини катта сумкага солган. Сўнгра Ольга Бергголц кўчасидаги 19-уйнинг подвалида тупроқ билан кўмиб, воқеа жойидан қочган. Эртаси куни қотиллик содир этишда гумонланган эркак ватанига қайтиб кетган.