Фәрит Мөхәммәтшин Наил Залаковка Татарстан Дәүләт Советы депутаты таныклыгын тапшырды
Татарстан Дәүләт Советы Рәисе Фәрит Мөхәммәтшин Наил Залаковка депутат таныклыгын һәм значогын тапшырды. Бу хакта республика парламентының матбугат хезмәте хәбәр итә.
Декабрь башында Наил Залаков Чистай бермандатлы округында ТР депутатын сайлауда беренче урынны алды. Тавыш бирү нәтиҗәләре буенча (анда 62 процентка якын сайлаучы катнашты) үз-үзен күрсәткән «Чистополье» холдинг компаниясе генераль директоры 70,23 процент тавыш җыйды.
Фәрит Мөхәммәтшин аңа яңа хезмәтендә уңышлар теләде – депутат парламентта Икътисад, инвестицияләр һәм эшкуарлык комитетында эшләячәк.