Татарстан Рәисен сайлауда Россия Президентын сайлаудагы иң яхшы тәҗрибә кулланылачак
2025 елда Татарстан Рәисен сайлау кампаниясендә Россия Президентын сайлау кампаниясендә кулланылган иң яхшы тәҗрибә файдаланылачак. Бу турыда Татарстан Үзәк Сайлау комиссиясе рәисе Андрей Кондратьев Татарстан Үзәк Сайлау комиссиясенең йомгаклау киңәшмәсендә әйтте, дип яза «Татар-информ».
«Без, һичшиксез, Татарстан Рәисен сайлауда бөтен стандартларны һәм проектларны кулланачакбыз», – диде ул.
Кондратьев иң яхшы тәҗрибә арасында сайлау комиссиясе әгъзаларын укыту, күзәтүчеләрне әзерләү, быел беренче тапкыр эшләтелгән һәм зур популярлык казанган «ИнформУИК» проектын атады.