Türkmen DIM-i Azerbaýjanyň ýolagçy uçarynyň heläkçiligine gynanç bildirdi

Türkmenistanyň daşary işler ministriniň orunbasary Serdar Muhammetdurdyýew Azerbaýjanyň Türkmenistandaky ilçihanasyna baryp, hatyra kitabyna ýazgy ýazdy diýip, türkmen metbugaty “Trend.az” neşirine salgylanyp ýazýar.


Türkmen metbugaty öň, Azerbaýjanda yglan edilen matam güni bilen baglanyşykly, goňşy ýurduň Aşgabatdaky ilçihanasynda “Azerbaijan Howaýollary” kompaniýasynyň heläkçilige uçran ýolagçy uçarynda wepat bolanlaryň hormatyna hatyra kitabynyň açylandygyny habar berdi.


Türkmen resmisi türkmen tarapynyň adyndan Azerbaýjanyň Türkmenistandaky ilçisi Gismet Gezalowa Baku-Groznyý uçar gatnawyny amala aşyrýan “Azerbaijan Howaýollary” kompaniýasynyň ýolagçy uçarynyň heläkçiligi bilen baglanyşykly tüýs ýürekden gynanç bildirdi.