د روغتیا نړیوال سازمان په یوه میاشت کې ۱۵۴ زره تنو ته خدمات رسولي

د روغتیا نړیوال سازمان وايي چې د روان ۲۰۲۴ کال د نوومبر په میاشت کې یې په ټول افغانستان کې تر ۱۵۴ زره زیاتو کسانو ته روغتیایي خدمتونه وړاندې کړي دي. دې سازمان ویلي چې د پنځو غیر دولتي سازمانونو په همکارۍ یې په ۱۹ ولایتونو کې ۱۰۶ روغتیایي مرکزونه تر پوښښ لاندې راوستي دي.


د روغتیا نړیوال سازمان د جمعې په ورځ وویل چې په لسو ولایتونو کې یې ۱۵ روغتونونه پیاوړي کړي دي. د هغو په منځ کې اووه د ساري ناروغیو، دوه بېړني روغتونونه، او شپږ د رواني ملاتړ او درملنې روغتونونه دي.