რადიო თავისუფლების ჟურნალისტები გახდნენ ქარტიის პრიზის 2024 წლის გამარჯვებულები
ჟურნალისტმა გიორგი მგელაძემ ქარტიის პრიზი მოიგო ჟურნალისტური გამოძიებით: „საცემი კი არა, მოსაკლავია“ - ღარიბაშვილის ბიძა ბიზნესმენზე, რომელიც ხელისუფლებას დევნაში ადანაშაულებს, ნომინაციაში სიღრმისეული ან საგამოძიებო ნამუშევარი.
ეს გამოძიება ეხება ბიზნესის წართმევასა და გარჩევებს, ირაკლი ღარიბაშვილის ბიძის ზურაბ გონაშვილის, იგივე „კაკაშას“ მონაწილეობით, გაიგებთ, როგორ სცემეს ერთ ბიზნესმენს და ქვეყნიდან გააქციეს, როგორ ეშინია მეორეს, როგორც თვითონ ამბობს, ღარიბაშვილების შურისძიების და როგორ მიიყვანეს მესამე გაკოტრების პირას და როგორ არის ჩართული სახელმწიფო მათ დევნაში.
რადიო თავისუფლების ჟურნალისტმა, ნინო თარხნიშვილმა ქარტიის პრიზი მოიპოვა ნომინაციაში ქალთა უფლებებისა და გენდერული თანასწორობის გაშუქება ნამუშევრით: ყველაზე პატარა მსხვერპლი 9 წლისაა, ყველაზე დიდი 84-ის - როცა ინტიმური ფოტოების გამოქვეყნებით გემუქრებიან. სტატია ეხება პირადი ცხოვრების ხელყოფას, რაც სისხლის სამართლის დანაშაულია და რომლის მსხვერპლები უმეტესად ქალები არიან.
ჟურნალისტურმა ეთიკის ქარტიამ გამარჯვებული სულ ექვს ნომინაციაში გამოავლინა
ნომინაციაში ადგილობრივი პრობლემების გაშუქება რეგიონულ მედიაში გაიმარჯვა „ბათუმელების“ ჟურნალისტმა ნინო ართმელაძემ ნამუშევრით: ქალი 30 სული პირუტყვით მთაში – „გაყინვა მელის, არ მაქვს ბოსელი და არც სახლი“ | ვიდეო
ნომინაციაში ბლოგი/მოსაზრება ონლაინ მედიაში გაიმარჯვა „ინდიგოს“ ჟურნალისტმა, ნინო ლომაძემ ნამუშევრით: „რატომ დავივიწყოთ წარსული“.
ნომინაციაში სტატია/მულტიმედია სტატია ონლაინ მედიაში გაიმარჯვა სტუდია მონიტორის ჟურნალისტმა მაია მეცხვარიშვილმა სტატიით:„გზა ამერიკულ ოცნებამდე“
ნომინაციაში ფოტო/ფოტორეპორტაჟი ონლაინ და ბეჭდურ მედიაში გაიმარჯვა ინდიგოს ჟურნალისტმა გიორგი ყოლბაიამ ნამუშევრით: „ბრაზი და წინააღმდეგობა | გიორგი ყოლბაიას ფოტოამბავი“
"ხალხის რჩეული" თემაზე: დემოკრატიის მცველები: წლის მთავარი მოვლენა გაიმარჯვა „პუბლიკას“ ჟურნალისტმა, ნათია ამირანაშვილმა ნამუშევრით: ომარ ოკრიბელაშვილის საქმე
პრიზები დაწესებულია USAID მედია პროგრამის მიერ.