Путин мигрантларның рус телен белмәүче балаларын мәктәпкә алуны тыючы закон имзалады
РФ Президенты Владимир Путин Россия мәктәпләренә чит ил гражданнарының рус телен белмәүче балаларын кабул итүне тыючы закон имзалады. Документ хокукый актлар сайтында урнаштырылган.
Имзаланган закон нигезендә, чит ил гражданнарының балалары рус теленнән тестны уңышлы тапшырган очракта гына башлангыч, төп һәм урта белем бирү программалары буенча укырга алыначак.
Тест бушлай уздырылачак, дип ачыклык кертелә.
Моннан тыш, Россия Федерациясендә легаль булмаган рәвештә яшәүче чит ил гражданнарының балалары мәктәпкә кабул ителә алмый.