Таиландта автобус белән авариядә 27 Россия туристы зыян күргән
Таиландта 37 Россия туристы белән автобус Паттайя шәһәренә илтүче трассада юл-транспорт һәлакәтенә эләккән. 27 россияле зыян күргән, дип хәбәр итә Amarin News телеканалы.
Үткәрү пункты алдыннан автобус йөртүчесе идарәсен югалта, Toyota Fortuner автомобиленә бәрелә.
Егерме җиде зыян күрүче РФ гражданы Паттайя хастаханәләренең берсенә китерелгән. Ун россияле зыян күрмәгән, туристлык компаниясе аларны яшәү урынына китергән.
Автобус җитди зыян күргән, ә ул бәрелешкән Toyota Fortuner тулысынча җимерелгән.
Таиландта РФ Илчелегенең консуллык бүлегендә зыян күргән россиялеләр әлегә консуллык ярдәме сорап мөрәҗәгать итмәгәннәр, дип хәбәр итә ТАСС.