Индонезия БРИКСның тулы хокуклы әгъзасы булды
Индонезия тулы хокуклы катнашучы буларак БРИКСка кушылды. Бу хакта Бразилия Тышкы эшләр министрлыгына сылтама белән РИА Новости хәбәр итә.
Исегезгә төшерик, 2025 елда берләшмәдә рәислек итү хокукы Бразилиягә күчте. Узган елда Россия рәислек итте.
«Бразилиянең БРИКСта вакытлыча рәислек итүе (2025 елның 1 гыйнварыннан 31 декабренә кадәр) кысаларында Бразилия Хөкүмәте, 6 гыйнварда, Индонезия Республикасының тулы хокуклы катнашучы буларак БРИКСка рәсми рәвештә кушылуы турында игълан итте», — дип билгеләп үтелә ведомство хәбәрендә.
Ноябрьдә Джакарта БРИКСка партнер ил буларак кушылуга рәсми ризалык бирде. Индонезиянең Мәскәүдәге илчесе сүзләренчә, республика берләшмә чараларында актив катнашырга һәм аның әгъзаларының «бар төрле тырышлыкларына» өлеш кертергә планлаштыра.
БРИКС – дәүләтара берләшмә. Анда тулы хокуклы әгъза буларак 10 дәүләт, шулай ук партнер статусында дистәдән артык ил катнаша. Октябрьдә Казанда XVI БРИКС саммиты узды. Анда 30дан артык илдән, шул исәптән Индонезиядән делегацияләр катнашты.