Дунёнинг энг бой одами "Ливерпуль" клубини сотиб оладими?

Дунёдаги энг бой инсон Илон Маскнинг отаси Эррол Маск ўғли "Ливерпуль"ни сотиб олиш истагида эканини айтди. Эррол Маск Ливерпуль шаҳрида унинг узоқ қариндошлари яшаганини қўшимча қилган.

"Ўғлим [Илон Маск] "Ливерпуль"ни сотиб олишдан мамнун бўларди. Унинг бувиси Ливерпулдан. Бизнинг оиламиз ўша ердан бўлган, улар Битлз гуруҳи билан бирга катта бўлишган", - дейди Эррол Маск.

Forbes талқинига кўра, Илон Маскнинг айни дамдаги бойлигининг таҳминий қиймати 415,6 миллиард долларни ташкил қилади. "Ливерпуль" клуби эса тахминан 4,5-5 млрд долларга баҳоланади.