Ҳусанов "Манчестер Сити"га ўтса, уни нима кутиб турибди? (Англиялик журналист)

Ўзбекистон миллий терма жамоаси ва "Ланс" ҳимоячиси Абдуқодир Ҳусановга айни вақтда Европанинг кўплаб клублари қизиқиш билдирмоқда. Айниқса, сўнгги кунларда унинг "Сити" ёки "Реал"га ўтиши кўп муҳокама бўлмоқда.

Журналист Ричард Жолли берган хабарга кўра, "Манчестер Сити" легионеримизни асосий таркиб футболчиси эмас, балки келажак учун потенциал номзод сифатида кўрмоқда. У Гвардиола бошчилигидаги жамоага ўтган тақдирда ўйин вақти кам бўлиши кутилмоқда.

Биласиз, "Реал Мадрид"да айни вақтда ҳимояда муаммолар кўп. Жумладан, жамоанинг асосий марказий ҳимоячилари ҳисобланган Алаба ҳамда Милитао жароҳати боис майдонга туша олмаяпти. Футболчимиз "Реал"га ўтган тақдирда, "Сити"дагига қараганда, кўпроқ ўйин амалиётига эга бўлиши мумкин.

Айрим маълумотларга кўра, "Реал" ўзбекистонлик футболчи учун 20 миллион евролик таклиф билан чиққан, аммо "Ланс" кўпроқ пул ишлаб олиш ниятида.