Baýden Kaliforniýada betbagtçylyk ýagdaýyny yglan etdi, Italiýa saparyny ýatyrdy

Jo Baýden, Kaliforniýadaky giň gerimli ýangyn sebäpli, ABŞ-nyň prezidenti hökmünde Italiýa etjek saparyny ýatyrdy. Ýangynda azyndan bäş adamyň ölendigi habar berilýär. Bu habary Ak tamyň metbugat wekili Karin Žan-Pýer berdi.


Baýden adatdan daşary ýagdaýyň sebäp bolan agyr netijelerine garşy göreşmek we ejir çekenlere berilmeli federal kömegi tizleşdirmek üçin ştatda betbagtçylyk ýagdaýyny yglan etdi.


"Biz Günorta Kaliforniýadaky ýangynyň öňüni almak we dikeldiş işlerine kömek etmek üçin zerur bolan ähli zady etmäge taýýar. Ýöne biz munuň uzyn, hupbatly bir ýol boljakdygyny bilýäris. Federal hökümet bu meselede näçe gerek bolsa, şonça hem durar" diýip, Baýden aýtdy.


Prezident 8-nji ýanwarda, Kaliforniýanyň gubernatoryndan elin maglumat almak üçin, Los Anjelese bardy we, Waşingtona gaýdyp geleninden soň, daşary ýurda etjek hoşlaşyk saparyny ýatyrmak kararyna geldi.