Пеп Гвардиола: "Манчестер Сити" трансферлари ҳақида фикр билдирмайман"

"Манчестер Сити" клуби бош мураббийи Пеп Гвардиола раҳбарият амалга ошираётган трансферлар ҳақида баёнот бермаслигини айтди.

- Бутун ой давомида медиа бизни ким билан боғласа, ўша ҳақида савол беришга ҳаракат қиласиз, шу сабабли жавоб бермайман. Сиз тўхтамаслигингиз мумкин, аммо барибир жавоб ололмайсиз, чунки вазиятни билмайман.

Ҳа, биз бозорга чиқмаслигимиз керак, вазият менга ёқаётгани йўқ. Аммо барча жароҳатларни ҳисобга олсак, шунга мажбурмиз. Буёғига нима бўлади, айтмайман, чунки билмайман. Клуб билан мулоқотдаман, аммо нималар бўлаётганидан хабарим йўқ.

- "Манчестер Сити" Мармушга қизиқаётгани ростми?
- Мени эшитмадингизми? Аниқ қилиб айтдим, бу мавзуда гапирмайман. У бошқа клуб футболчиси.

Сиз ҳар бир матбуот анжуманида трансфер ойнаси ҳақида сўрашингиз мумкин, аммо бирорта саволга жавоб бермайман. Бундай қилиш тўғри эмас" - деди "Манчестер Сити" устози.