Россиялик машҳур мураббий Ҳусановнинг «Манчестер Сити»га трансферидан ҳайратини яшира олмади

Россиянинг машҳур мураббийларидан бири Юрий Сёмин Абдуқодир Ҳусановнинг трансфери ҳақида фикр билдирди.

«Абдуқодир Ҳусановнинг «Манчестер Сити»га трансфери мени ҳайрон қолдирди. Энг ғалатиси қандай қилиб, шундай иқтидор соҳибини РПЛ жамоаларининг ҳеч бири кўра билмади. У Ўзбекистон ва Беларусда ўйнаган. Бу мамлакатлар футболи биз учун жуда яқин эди.

У «Ман Сити»га 50 миллион еврога ўтмоқда. «Ланс» эса уни атиги 100 мингга сотиб олганди. Қаранг французлар биттагина трансфердан қанча ишлаб олишди. Шу ўринда битта савол туғилади. Россия жамоаларининг скаутлари нималар қилмоқда? Ахир улар биринчи бўлиб, шундай футболчиларни кўришлари керакку», — деб фикр билдирди Юрий Сёмин.

Манба: championat.com