Татарстанда кар һәм буран көтелә
Пәнҗешәмбе, 16 гыйнварда, Татарстанда аязучан болытлы һава көтелә, урыны белән кар һәм җепшек кар явачак. Бу хакта ТР Гидрометеоүзәгендә хәбәр иттеләр.
Синоптиклар әйтүенчә, төнге һәм иртәнге сәгатьләрдә урыны белән буран чыгуы ихтимал, юлларда бозлавык. Җилнең тизлеге урыны белән секундына 15-17 метрга җитәчәк.
Төнлә һәм көндез температура -5..-10 градус тәшкил итәчәк.