Македонската репрезентација одигра нерешено против Унгарија на Светското ракометно првенство
Македонските репрезентативци на триесетина секунди пред крајот на натпреварот имаа гол предност, но не успеаја да победат. За играч на натпреварот беше прогласен Филип Кузмановски со 10 голови.
Натпреварот започна со предност за Унгарија, која водеше со 5-2 во седмата минута, но македонските репрезентативци направија серија од 5-0 и создадоа водство со 5-7 во 13-тата минута. Со головите на капитенот Кузмановски, македонските ракометари поведоа со 6-10.
Но, и покрај добрата игра, тие пропуштија неколку можности, меѓу кои два неуспешни удари од седум метри, а Унгарија успеа да израмни на 14-14 пред крајот на првото полувреме, откако беше поништен голот на Серафимов со звукот на сирената.
Голманот Никола Митревски бранеше одлично со 12 одбрани, мотивирајќи ги соиграчите во арената Вараждин, во Хрватска.
Резултатот на крајот од мечот резултатот е 27-27, со што остава простор за оптимизам за македонските ракометари во продолжението на првенството, кои се во Групата Д со Холандија и Гвинеја, кои претходно го одиграа првиот меч, а Холандија победи со резултат 40-23.