Хадича султон бу иши учун қатл қилинарди: “Муҳташам юз йил”даги қўпол хатолик

“Муҳташам юз йил” сериали ҳеч қачон тарихий жиҳатдан юз фоиз аниқ ва реал воқеалар асосида яратилмаган. Ундаги ҳикояларнинг кўп қисми режиссёрлар томонидан ўйлаб топилган.

^{Фото: Киноафиша.инфо}
Экранда акс эттирилган саройдаги муҳит 16-асрда Усмонлилар империяси ҳаётидаги ҳақиқий анъана ва турмуш тарзидан кескин фарқ қилади. Шундай номувофиқликлардан бири Хадича Султон образи билан боғлиқ.

Султон Сулаймоннинг синглиси эрининг қатлида Хуррамни айбдор деб билади. Иброҳим пошонинг ўлимидан сўнг у сеҳр-жодуга мурожаат қилиб, Хуррамга нисбатан ёвуз ишларни амалга оширади. Аммо Ислом дини ва маданияти ҳукм сурган Усмонлилар империясида бундай ишлар қонунга зид бўлган. Сеҳр-жоду ва шунга ўхшаш бошқа хатти-ҳаракатлар қилиш султон оиласи учун нафақат эҳтимолдан йироқ, балки Усмонли элитаси одатларига мутлақо зид бўлган.

^{Фото: Киноафиша.инфо}
Ислом анъаналарида сеҳр-жоду билан шуғулланиш энг оғир гуноҳлардан бири ҳисобланади. Қуръон бу ишларни қаттиқ қоралайди. Сеҳргарлик билан шуғулланганлар эса ўша даврда ўлимга ҳукм қилиниши мумкин эди. Шу сабабли сериалда Хадича султоннинг бундай ишга қўл уриши ва жавобгарликка тортилмаслиги мантиқан хато ҳисобланади.

Маълумот учун, Хадича султон Сулаймон султон I нинг синглиси. У Салим I ва Ойша Ҳафса Султоннинг қизи бўлган. Сериалдан фарқли ўлароқ, у Усмонли империясининг бош вазирига турмушга чиқмаган.