Özbegistanda häkimleriň we prokurorlaryň dynç alýan ýerleri köpçülige mälim edildi
“Kun.uz” neşiriniň habaryna görä, ýurduň baş prokurory Nigmatilla Ýuldaşew we Daşkent sebitiniň başlygy Zoir Mirzaýew Dubaýda (BAE) geçiren dynç alşyndan gaýdyp geldiler.
Häkimler dynç alyşlaryny "Kibraý", "Çinabad Plaza", "Turon" we "Aktaş" şypahanalarynda, şeýle hem Özbegistanyň Russiýanyň şäherlerinde ýerleşýän şypahanalarynda geçirip, beýleki daşary ýurtlara dynç almaga hem gidip bilýärler.
Administrasiýa tarapyndan ýaýradylan buýruga laýyklykda, sebit prokurorlary we içeri işler edaralarynyň başlyklary Içeri işler ministrliginiň merkezi keselhanasynda saglyklaryny dikelderler we sebit salgyt gulluklarynyň ýolbaşçylary “Humson” şypahanasynda dynç alarlar.
Ýurduň etrap we şäher prokurorlary, Içeri işler ministrliginiň bölüm müdirleri we salgyt gözegçilik gullugy - sebit kärdeşler arkalaşyklarynyň şypahanalarynda we köp ugurly lukmançylyk merkezlerinde saglyklaryny dikelderler.
Dynç alyş wagtynda döwlet resmileri sungat işgärleriniň çykyşlaryna tomaşa ederler.
Mundan öň “Rost24” neşiri özbek resmileriniň Türkiýede, Taýlandda, Maldiwlerde we Russiýada dynç almak arkaly, Özbegistanda içerki syýahatçylygyň ösmegine itergi berýändigini sorag astyna alypdy.